Mannauðsráðgjöf sem skapar virði

​

Ég aðstoða fyrirtæki við að efla mannauðsmál með faglegri ráðgjöf sem styður bæði stjórnendur og starfsfólk. Hvort sem um er að ræða tímabundin verkefni, innleiðingu breytinga eða reglulegan stuðning, þá laga ég þjónustuna að þörfum hvers fyrirtækis.

​

Oft hefst samstarfið á greiningu á stöðunni þar sem kortlagðar eru helstu áskoranir og tækifæri. Í framhaldinu er sett fram skýr forgangsröðun og aðgerðaáætlun sem styður við markmið fyrirtækisins.

 

Fyrirtæki leita til mín þegar þau vilja fá ferska sýn, sérfræðiþekkingu eða aukinn kraft til að koma verkefnum af stað og ljúka þeim af fagmennsku.

​

Mannauðsstjóri til leigu

​

Fyrir mörg lítil og meðalstór fyrirtæki er hagkvæmt að hafa aðgang að reyndum mannauðsráðgjafa án þess að ráða mannauðsstjóra í fullt starf.

 

Sem mannauðsstjóri til leigu veiti ég stjórnendum ráðgjöf og stuðning í daglegum mannauðsmálum, leiði verkefni og aðstoða við innleiðingu verklags, stefna og breytinga sem stuðla að öflugri vinnustaðamenningu og aukinni starfsánægju.

​

Ég get verið með reglulega viðveru á vinnustað, sinnt afmörkuðum verkefnum eða komið að ákveðnum umbótaverkefnum.

 

Umfang samstarfsins er alltaf sniðið að þörfum fyrirtækisins.