Vetrar- og jólatónlist, klædd í snjó við yl frá kertaljósi

 

Tónlistinni á Stjörnubjart er best lýst sem hugljúfri skammdegistónlist sem er lágstemmd, klædd í snjó við yl frá kertaljósi og með jólalegu ívafi. Stemmningin er tær, náin, persónuleg og tímalaus og veturinn og spilar stórt hlutverk, því ekki eru öll lögin dæmigerð jólalög. Það örlar á þjóðlaga- og sveitastíl sem og norrænum áhrifum með afturhvarfi til gamla tímans. Lögin koma víða að. Þar eru nokkur þjóðlög, íslenskar perlur, sálmalög, Gustav Holst og Jean Sibelius koma við sögu sem og sænskir höfundar á borð við Pererik Moraeus og þá Benny og Björn úr ABBA. Ennfremur eru þrjú ný íslensk lög á disknum.

 

Bæklingurinn sem fylgir disknum

 

Lögin á disknum

  1. Hljóða nótt

  2. Söngur á vetrarnótt ásamt Sváfni Sigurðarsyni

  3. Stjörnubjart

  4. Líkt og engill gangi hjá

  5. Gef mér ei heimsins gull né prakt

  6. Jólakvöld

  7. Á þeim langa vetri

  8. Til nýja heimsins

  9. Sálmur 85 ásamt Sváfni Sigurðarsyni

  10. Kristallar

  11. Draumvísa

  12. Vitringar þrír

  13. Ljós

... og Aukalag

 

Útgáfutónleikar voru haldnir í Salnum í Kópavogi 21. nóvember 2016.

Meðal þeirra tónlistarmanna sem leggja fram krafta sína auk Ágústu eru:

Haraldur V. Sveinbjörnsson – gítar, píanó, hljómborð, harmonium, bassi og söngur

Sváfnir Sigurðarson – gítar, banjó og söngur

Kjartan Guðnason – trommur og öll ásláttarhljóðfæri

Þórir Jóhannsson – kontrabassi

Frank Aarnink – cimbalom

Matthías Stefánsson – sóló-fiðla

Örn Magnússon – langspil

Matti Kallio – írsk flauta, harmonikka

Martino Vacca – írskar sekkjapípur

Jákup Zachariassen – Dobro og stálgítar

Strengjakvartettinn:

Una Sveinbjarnardóttir – fiðla

Pálína Árnadóttir – fiðla

Guðrún Hrund Harðardóttir – víóla

Margrét Árnadóttir – selló

 

Hljóðritað í Stúdíó Hljóðheimum, Stúdíó Sýrlandi og í Hörpu í september 2015

Upptökustjórn: Haraldur V. Sveinbjörnsson

Upptökumenn: Haraldur V. Sveinbjörnsson, Kristinn Sturluson

Útsetningar: Haraldur V. Sveinbjörnsson

Hljóðblöndun og hljómjöfnun: Hrannar Ingimarsson

Myndataka og myndvinnsla: Bjarney Lúðvíksdóttir

Umbrot: Birgir Heiðar Guðmundsson

Kynningarmál: Ingibjörg Gréta Gísladóttir - netfang: rigga@rigga.is

"Það er fallegur og einlægur hljómur sem einkennir nýjan geisladisk Ágústu Sigrúnar Ágústsdóttur. Hann hefur hlotið nafnið Stjörnubjart og það á vel við, bæði vegna árstíðarinnar þegar stjörnurnar stafa bliki sínu á mannfólkið, en einnig vegna þess að stjörnubirtan er sú birta sem öðrum fremur er talin gefa mannkyni von og veitir sýn í drauma og sveipar þá umhyggju. Hið sama má líka segja um rödd Ágústu Sigrúnar, hún er hlý og þétt og leggst fallega að eyrum hlustanda....."

Músík sem mildar veturstorma

City, State

Please reload